Праверка сувязі

Прывiтаньне ад Алесi Унукоўскай.

Калi коратка i шчыра, навошта я зрабiла свой блог – аўдыё -спеўнiк:

Мне не дае спакою прыповесць аб талантах. Я не хачу быць на месцы таго слугi, якога за схаваны талант у зямлю, гаспадар у гневе укiнуў у геену вогненую. Даволi часта адчуваю сябе такiм слугою…. Ох, адчуваю…

Гэта першы рэзон.

А другi: усё часцей мае спевы ўспрымаюцца як «народныя» i перайначваюцца як у тэкстах, так i ў музыцы. Пераважна - ненаўмысна. Маўляў, «не ведаем дзе арыгiнал паслухаць», .. «а як трэба»,… « а вось мы так спяваем» i гд .

Таму вырашыла, як ёсць i амаль колькi ёсць запiсаць для праслаўлення Госпада Бога i для выкарыстання людзям.

Амаль усе спевы нараджалiся як спяваная малiтва i такiмi i з яўляюцца .

Многiя спевы даўно жывуць самастойным жыццём, служаць iнструментам для большага паяднання з Богам, адчування Яго прысутнасцi. I я вельмi рада, што i падчас лiтургii, i падчас пiлiгрымкi цi канцэрту; у касцёле цi малiтоўным доме, царкве - людзi моляцца з дапамогай словау i мелодый, якiя ўсвой час спаслаў мне Дух Святы.

Гэты блог - месца, куды буду сабiраць мае спевы ў адзiны, так бы мовiць, музычны альманах. Каб кожны, хто хоча, хто зацiкаўлены, мог узяць спеў непасрэдна ад аўтара; нічога не змяняць і ведаць дакладна мелодыю і словы. Мог славiць iмi Бога сам, са сваiмi сябрамi, у сваёй Царкве.

Спадзяюся, блог будзе перыядычна папаўняцца.

Бласлаўлення Божага i поспехаў ва ўсiх справах!

Дбайце пра свае таланты!

З павагай,

Алеся Унукоўская